News of Nation

गौरादहका पत्रकार एबम् शिक्षक डण्डिराज घिमिरेलाई पितृशोक

गौरादह १२, असार–झापा गौरादह निवासी पत्रकार, जनता माध्यमिक विद्यालयका शिक्षक एबम् नेपाल कम्युनिष्ट पार्टी (नेकपा) झापाका नेता डण्डिराज घिमिरेलाई पितृशोक परेको छ । पत्रकार घिमिरेका पिता तारानाथ घिमिरेको ७३ बर्षको उमेरमा आज बिहान ७.५५ बजे गौरादह नगरपालिका वडा नं ४ (महारानीझोडा) स्थित निजि निवास मजुवामा निधन भएको हो ।

पेटमा ट्युमर सम्बन्धि रोगले पिडित भएका मृतक घिमिरे एक वर्ष अघि ट्युमरको अप्रेसन गरि घरमै स्वास्थ्यलाभ लिईरहेका थिए । ओखलढुंगाको चिशंखुपोखरीमा विसं २००४ साल साउन १२ गते जन्मनु भएका सामाजिक तथा धार्मिक व्यक्तित्वका धनी घिमिरे सरस्वती घिमिरेसंग वैवाहिक बन्धनमा बाँधिनु भएको थियो ।

उनका २ छोरा बुहारीहरू डण्डीराज–सरिता , युवराज–गोमा र छोरीहरू गंगा खतिवडा, शान्ता खतिवडा, कविता खतिवडासहित ५ नाति र ३ नातिनी छन् ।

उनको पार्थिक शरिरलाई आज दिउँसो १२ बजे झापा गौरादह नगरपालिका वार्ड नं ७ स्थित फकिढिप गेउरिया घाटमा हिन्दु परम्परा अनुसार दाहसंस्कार गरिने पारिवारिक श्रोतले जनाएको छ ।

मृतक घिमिरेका जेठा छोरा डण्डीराज घिमिरे समरूप मिडिया प्रालिद्वारा सञ्चालित अनलाइन विचारका सञ्चालक तथा सम्पादक हुन् । पछिल्लो समय नेकपाको जिल्ला सदस्यसमेत रहेका पत्रकार घिमिरे हाल उनी गौरादह नगरपालिका वार्ड नं १ स्थित जनता माध्यमिक विद्यालयमा अध्यापन गर्दैछन् ।

Facebook Comments

Leave A Reply

Your email address will not be published.