News of Nation

स्वेच्छाचारी बन्नुभो, दुवै पदबाट राजीनामा दिनुस्ः नेता माधवकुमार नेपाल

काठमाडौं, १६ असार–नेपाल कम्युनिस्ट पार्टी (नेकपा) का वरिष्ठ नेता माधवकुमार नेपालले प्रधानमन्त्री तथा पार्टी अध्यक्ष केपी शर्मा ओलीलाई दुवै पदबाट राजीनामा दिन सुझाव दिएका छन् ।

आजको स्थायी कमिटीमा बोल्दै नेता नेपालले पहिलोपल्ट मुख फोरेर राजीनामा दिन भनेका हुन् ।

‘विधि, पद्धति अनुसार पार्टीमा मापदण्ड बनाएर चल्ने काम भएन । केपी ओलीले प्रधानमन्त्रीका रूपमा पनि र पार्टी अध्यक्षका रूपमा पनि विधि, पद्धतिअनुसार चल्न सक्नुभएन,’ नेता नेपालले बैठकमा दृढतापूर्वक आफ्ना कुरा राखेका थिए, ‘तपाईं स्वेच्छाचारी ढङ्गले चल्नुभयो । अरू नेताहरूको योग्यता, क्षमतलाई पटक्कै कदर गर्नुभएन ।’

प्रधानमन्त्री ओलीको दम्भ, अहमताले सीमा नाघेको पनि बताएको स्रोतको दाबी छ । उनी निकट स्थायी कमिटी सदस्यले भने, ‘माधव नेपाल आक्रोशित रूपमा प्रस्तुत हुनुभएको थियो ।’ माधव नेपालले राजीनामा शब्द उच्चारण नगरे पनि तपाईंले सक्नुहुन्न भन्दै बाटो प्रशस्त गर्न सुझाएका थिए ।

‘तपाईंको पछिल्लो अभिव्यक्तिले यो जिम्मेवारीमा रहन मिल्दैन । जे बोल्नुभयो, परराष्ट्र सम्बन्ध, कूटनीतिक मर्यादाका हिसाबले पनि बोल्न मिल्दैन । नबोल्ने कुरा बोलिसकेपछि प्रधानमन्त्री र पार्टी अध्यक्षको जिम्मेवारीमा कायम रहन मिल्दैन,’ उनले भनेका थिए ।

Facebook Comments

Leave A Reply

Your email address will not be published.