News of Nation

पार्टी जोगाउने ‘अन्तिम कोशिस’ का लागि ओली–प्रचण्ड र नेपाल वार्तामा

छेउमा दुई–दुई सहयोगी नेता पनि सहभागी

काठमाडौं, २१ असार–सत्तारुढ दल नेपाल कम्युष्टि पार्टी (नेकपा) भित्रको विवाद समाधान गर्दै पार्टीलाई फुट्नबाट जोगाउन अन्तिम कोशिस गर्न भन्दै नेकपाका दुई अध्यक्षबीच निर्णायक वार्ता शुरु भएको छ ।

प्रधानमन्त्री तथा नेकपा अध्यक्ष केपी ओलीसँगै अन्तिम निर्णायक वार्ताका लागि अर्का अध्यक्ष पुष्पकमल दाहाल ‘प्रचण्ड’ बालुवाटार पुगेका हुन् । आज आइतबार बिहान राष्ट्रपतिलाई भेट्न पुगेका अध्यक्ष प्रचण्ड, वरिष्ठ नेताहरु झलनाथ खनाल र माधवकुमार नेपाल शीतलनिवासबाट सिधै बालुवाटार पुगेका हुन् ।

अध्यक्ष प्रचण्डसहितका तीन नेताहरु अहिले प्रधानमन्त्रीसँग छलफलका लागि बालुवाटार पुगिसकेको प्रचण्डका प्रेस सहयोगी विष्णु सापकोटा जुगलले जानकारी दिएका । ‘अहिले प्रधानमन्त्रीसँग छलफल शुरु भएको छ’, सापकोटाले भने ।

दुई अध्यक्षको तर्फबाट दुई–दुई जना सहयोगी नेताहरु समेत वार्तामा छन् । ओलीको तर्फबाट विष्णु पौडेल र शंकर पोखरेल छलफलमा सहभागी भएका छन् भने प्रचण्डको तर्फबाट वर्षमान पुन र जनार्दन शर्मा सहभागी छन् । सत्तारुढ नेकपाभित्र प्रधानमन्त्री तथा पार्टी अध्यक्ष केपी शर्मा ओली पक्ष र अर्का अध्यक्ष पुष्पकमल दाहाल प्रचण्डसहित नेपाल र खनाल पक्षबीच तीव्र मतभेद देखिएको छ ।

Facebook Comments

Leave A Reply

Your email address will not be published.