News of Nation

बिर्तामोड नगरपालिकाको पाँचौँ नगरसभाद्धारा एक अर्ब १५ करोड बजेट पारित

बिर्तामोड, २८ असार–झापाको बिर्तामोड नगरपालिकाको पाँचौं नगरसभा समापन भएको छ । असार १० गते शुरु भएको पाँचौं नगरसभाले प्रस्ताबित १ अरब १५ करोड ४ लाख ८८ हजार ब्यय हुने गरीको बजेट पारित गरेको छ । जसअन्तरगत ३९ करोड ८१ लाख ८६ हजार र पूजीगत खर्च ५८ करोड २३ लाख २ हजार र सामाजिक सुरक्षा बापत १७ करोडको खर्च हुने छ ।

नगरप्रमुख ध्रुबकुमार शिबाकोटीको अध्यक्षतामा भएको नगरसभामा उपप्रमुख पबित्रादेबी महतारा प्रसाईले सो वरावरको बजेट, नीति तथा कार्यक्रम प्रस्तुत गर्नुभएको थियो ।

असार २८ गते सम्पन्न भएको नगरसभामा प्रस्ताबित बजेट, नीति, कार्यक्रम माथि १० बटै बडाका अध्यक्षहरुले आ आफ्नो बडाको बजेट सिलिंग प्रस्तुत गर्दे आफ्नो बडाको विकासका योजना पेश गरेका थिए । यसैगरी नगरसभामा बिभिन्न समितिका संयोजकहरुले समितिका तर्फबाट सुझाब पेश गरेका थिए ।

बिर्तामोड नगरपालिकाले प्रत्येक बडालाई १ करोडको सिलिंग दिएको थियो । सो सिलिंग अन्तरगत रहेर बडाले बजेट पेश गरेको नगरपालिकाका प्रेस संयोजक तीर्थ सिग्देलले जानकारी दिनुभयो ।

Facebook Comments

Leave A Reply

Your email address will not be published.