News of Nation

आज भारी बर्षाको सम्भावना, बाढी-पहिरोको खतराबाट सतर्क रहन आग्रह

काठमाडौं, २ असार–नेपालमा देशभर मनसुन सक्रिय भएको छ । काठमाडौं उपत्यकालगायत देशका धेरै भूभागमा गए रातिदेखि नै पानी पर्ने क्रम जारी छ ।

मनसुन देशभर सक्रिय भएका कारण आज पनि धेरै स्थानमा भारी बर्षाको सम्भावना रहेको मौसमविदले जानकारी दिएका छन् । भारी बर्षाका कारण बाढी–पहिरो जानसक्ने हुँदा सचेत हुन पनि मौसमविदले सुझाव दिएका छन् ।

नेपालको पूर्वी र मध्य भू–भागमा मनसुनी वायु तथा पश्चिमी भू–भागमा पश्चिमी वायुको प्रभाव रहेको मौसमविद् शान्ति कँडेलले जानकारी दिएकी छिन् । हाल प्रदेश नं ५ का थोरै भू–भाग गण्डकी प्रदेश, बाग्मती प्रदेश, प्रदेश नं २ र प्रेश नं १ का धेरै भू–भागहरुमा वर्षा भईरहेको जल तथा मौसम विज्ञान विभाग मौसम पूर्वानुमान महाशाखाले जनाएको छ ।

बुधबार सुदुर पश्चिम प्रदेश र कर्णाली प्रदेश आंशिक बदली रही बाँकी प्रदेशहरूमा सामान्य बदली रहने छ । प्रदेश १, प्रदेश २, बाग्मती प्रदेश, गण्डकी प्रदेश र प्रदेश नं ५ का केही स्थानहरुमा साथै कर्णाली र सुदुर पश्चिम प्रदेशका एक–दुई स्थानहरुमा मेघगर्जन र चट्याङसहित हल्का देखि मध्ययम वर्षाको सम्भावना रहेको छ । प्रदेश १, प्रदेश २ र बाग्मती प्रदेशका एक–दुई स्थानहरुमा भारी वर्षाको सम्भावना रहेको छ ।

बिहीबार सुदूरपश्चिम प्रदेश र कर्णाली प्रदेश आंशिक बदली रही बाँकी प्रदेशहरूमा सामान्य बदली रहने छ । प्रदेश १, प्रदेश २, बाग्मती प्रदेश, गण्डकी प्रदेश र प्रदेश नं ५ का केही स्थानहरुमा साथै कर्णाली र सुदुर पश्चिम प्रदेशका एक–दुई स्थानहरुमा मेघगर्जन र चट्याङ सहित हल्का देखि मध्ययम वर्षाको सम्भावना रहेको छ । प्रदेश १, र बाग्मती प्रदेशका एक–दुई स्थानहरुमा भारी वर्षाको सम्भावना रहेको छ ।

Facebook Comments

Leave A Reply

Your email address will not be published.