News of Nation

झापामा संस्थागत बिद्यालयका शिक्षकहरु आन्दोलित

जीवनसिंह राववंशी विर्तामोड, २० असार–कोरोना भाईरसका कारण लामो समयको लकडाउनका कारण संस्थागत बिद्यालयका शिक्षकहरुले तलब भत्ता नपाएको भन्दै संस्थागत बिद्यालय शिक्षक युनियन (ईस्टु) बिरोधमा उत्रिएका छन् ।

शुक्रबार, झापाको बिर्तामोडमा विभिन्न नारा, प्लेकार्ड सहितको र्याली गरी बिरोध जनाएका हुन् । दया शब्द चाहिँदैन भोकै मार्न पाईदैन, हाम्रा लागी सरकार कहाँ छन् ? बहाना बाजी चाहिँदैन शिक्षक निकाल्न पाईँदैन, बिद्यालय सञ्चालक तलवको व्यवस्था गर लगायतका लिखित प्लेकार्डहरु हाथमा लिएर शिक्षकहरु बिरोधमा उत्रिएका थिए ।

उनिहरुले संस्थागत शिक्षकहरुले नियुक्ती पत्र पाउनुपर्ने, सरकारले तोकेको पारीश्रमिक पाउनुपर्ने, चैत सम्मको तलब पुर्णरुपमा पाउने व्यवस्था मिलाई लकडाउन अवधिभरी शिक्षकहरुलाई पेस्की प्रदान गर्नुपर्ने, शिक्षक निस्कासन तत्काल रोक्नुपर्ने माग राखेका छन् । ५ सय जनाको उपस्थिती रहेको बिरोध कार्यक्रम बिर्तामोडको मुक्तीचोक परीक्रमा पश्चात कोणसभामा परीणत भएको थियो ।

संस्थागत बिद्यालय शिक्षक युनियन (ईस्टु) झापाका अध्यक्ष होमराज खतीवडाले आफुहरुको माग सम्बोधन नभएमा क्रमबद्ध रुपमा आन्दोलनमा उत्रने चेतावनी समेत दिएका छन् । देशव्यापी रुपमा संस्थागत बिद्यालय शिक्षक युनियनको बिरोध कार्यक्रममा शिक्षक महासंघले समेत एक्यबद्धता जनाएका छन् ।

Facebook Comments

Leave A Reply

Your email address will not be published.