News of Nation

सिटीको जितमा सिल्भा र जिससको गोल

एजेन्सी, १ साउन–म्यानचेस्टर सिटी इंग्लिस प्रिमियर लिग फुटबलमा विजयी भएको छ । गए राति भएको खेलमा सिटीले बर्नेमाउथमाथि २–१ गोलले विजयी भएको हो ।

घरेलु मैदानमा सिटीलाई जित दिलाउन डेभिड सिल्भा र ग्राबियल जिससले एक एक गोल गरे । बर्नेमाउथका लागि डेभिड ब्रुक्सले एक गोल फर्काएका थिए ।

खेलको छैटौं मिनेटमा नै सिल्भाले गोल गर्दै घरेलु टोलीलाई अग्रता दिलाएका थिए । त्यस्तै, ३९ औं मिनेटमा जिससले गोल गोल गर्दै सिटीको अग्रता दोब्बर पारे । उनले सिल्भाको पासमा गोल गर्दै पहिलो हाफमा सिटीलाई २–० गोलको अग्रता दिलाएका हुन् ।

त्यस्तै, दोस्रो हाफमा ८८ औं मिनेटमा बर्नेमाउथका डेभिड ब्रुक्सले गोल गर्दै खेलमा फर्किने संकेत दिएका थिए । तर, थप गोल हुन नसक्दा बर्नेमाउथ सिटीसँग २–१ गोलले पराजित हुँन पुग्यो ।

यस जितसँगै सिटीले ३६ खेलमा ७५ अंक जोडेको छ । त्यस्तै, पराजित बर्नेमाउथ समान खेलबाट ३१ अंक जोडेर रेलिगेसन जोनमा रहेको छ ।

Facebook Comments

Leave A Reply

Your email address will not be published.