News of Nation

माधव-झलनाथ समुहलाई ४५ प्रतिशत केन्द्रीय सदस्यको साथ

काठमाण्डौं, २१ जेठ–नेकपा (एमाले) को माधव कुमार नेपाल र झलनाथ खनाल पक्षधरको केन्द्रीय कमिटी बैठकमा ८८ जना सहभागी भए । उनीहरु सबै नवौं महाधिवेशनमा निर्वाचितहरु हुन् ।

भर्चुअल माध्यमले बसेको बैठकमा ८८ जना सहभागी भएको बुझिएको छ । उनीहरुले नेपाल-खनाललाई पार्टी एकतादेखि विकल्पमा अलग पार्टी निर्माणबारे सुझावहरु दिए ।

एमालेको ७ वर्ष अघि भएको नवौं महाधिवेशनमा १४ पदाधिकारीसहित १५९ केन्द्रीय सदस्य निर्वाचित भएका थिए । जसमध्ये ८८ जना माधव कुमार नेपाल-झलनाथ खनाल समूहमा देखिनुले ४५ प्रतिशत केन्द्रीय नेताहरु रहेको स्पष्ट भएको छ ।

पदाधिकारीमध्ये अधिकांश नेपाल-खनाल पक्षका छन् । केही पछिल्लो समय तटस्थ भूमिकामा छन् । तटस्थ रहेकाहरु माधव नेपाल समूहकै हुन् ।

नेपाल-खनाललाई कतिपयले संयमित भएर हतार नगर्न सुझाव दिइरहेका छन् । कतिपयले पार्टी नयाँ खुलाइहाल्नुपर्नेमा जोड दिदै आएका छन् ।

एमालेको नवौं महाधिवेशनको संरचनालाई अध्यक्ष ओलीले परिवर्तन गरिसकेका छन् । उनले आफूपक्षीय नेताहरुलाई स्थायी कमिटीमा राखेर केन्द्रीय कमिटी समेत पुनःगठन गरिसकेका छन् ।

 

Facebook Comments

Leave A Reply

Your email address will not be published.