दमक, २६ साउन–झापामा ९ सहित प्रदेश १ मा ४२ जना कोरोना संक्रमित थपिएका छन् । प्रदेश १ सामाजिक विकास मन्त्रालयका अनुसार झापामा ९, मोरङमा १६, सुनसरीमा १४ खोटाङ र धनकुटामा १–१ तथा सिराह ठेगाना भएका एक गरी ४२ संक्रमित थपिएका हुन् ।
मन्त्रालयका अनुसार मोरङको विराटनगरमा १ महिला ८ पुरुष, धनपालथान गाउँपालिकामा १ महिला २ पुरुष, सुन्दरहरैचामा ३ र पथरीशनिश्चरे नगरपालिकामा एकजना संक्रमित थपिएका छन् ।
त्यस्तै सुनसरीको धरान उपमहानगरपालिकामा ९, इटहरी उपहानगरपालिकामा १ र रामधुनी नगरपालिकामा ४ जना कोरोना संक्रमित थपिएका छन् ।
झापाको भद्रपुरमा ३ जना, गौरादहमा ५ जना र कमल गाउँपालिकामा १ जना संक्रमित थपिएका छन् ।
धनकुटामा १ जना र खोटाङमा एकजना कोरोना संक्रमित थपिएका छन् । त्यस्तै सिराहको एकजना संक्रमित थपिएका छन् ।
योसँगै प्रदेश १ मा कोरोना संक्रमितको संख्या १ हजार ४ सय ६५ पुगेको छ । तीमध्ये ९ सय १५ जना उपचारपछि डिस्चार्ज भएका छन् ।