विराटनगर, २८ भदौं–एक महिनादेखि बन्द रहेको वीपी कोइराला स्वास्थ्य विज्ञान प्रतिष्ठानले आइतबारदेखि ओपिडी सेवा सुचारु गरेको छ । प्रतिष्ठानका अस्पताल निर्देशक प्राडा गौरीशंकर साहले सूचना जारी गर्दै आइतबारदेखि ओपिडी सेवा सञ्चालन आएको जानकारी दिएका छन्।
स्थानीय, प्रदेश र संघीय सरकारले लकडाउनलाई खुकुलो बनाउँदै गएको कारण प्रतिष्ठानले पनि ओपिडी सेवा सुरु गर्ने निर्णय गरिएको अस्पताल निर्देशक साहले जानकारी दिए। साहका अनुसार ओपिडी सेवालाई सुरक्षित र व्यवस्थित गर्नको लागि चाहिने पिपिई, आवश्यक सुरक्षा, सामाजिक दुरी, हातधुने लगायतको प्रबन्ध गरिएको छ।
प्रतिष्ठानमा कोरोना संक्रमितहरुको संख्या बढ्दै गएपछि प्रतिष्ठानले साउन २८ गतेदेखि ओपिडी सेवा बन्द गरेको थियो।