अर्घाखाँची, १४ भदौं–बुटवल उपमहानगरमा थप एक कोरोना संक्रमितको मृत्यु भएको छ। लुम्बिनी प्रादेशिक अस्पतालका अनुसार बुटवल ५ निवासी ६७ वर्षीय पुरुषको मृत्यु भएको हो।
भदौ १४ गते कोरोना संक्रमण पुष्टि भएर अस्पतालमा भर्ना भएका उनमा ज्वरो, स्वासप्रश्वासमा समस्या, मुटुरोग, मधुमेह र उच्च रक्तचापको समस्या रहेको अस्पतालले जनाएको छ।
अस्पतालको फिभर क्लिनिकको आइसोलेसनमा आइतबार बिहानदेखि उपचाररत उनको मध्याह्न साढे १२ बजे मृत्यु भएको कोरोना फोकल पर्सन डा सुदर्शन थापाले जानकारी दिए।