दमक, १० साउन–दमक नगरपालिकाकी पूर्व नगर उपप्रमुख गीताकुमारी पौडेल अधिकारी राष्ट्रिय योजना आयोगको सदस्यमा नियुक्त भएकी छन् ।बिहीबार बसेको मन्त्रिपरिषद् बैठकले दमककी पूर्व उपप्रमुख अधिकारीलाई राष्ट्रिय योजना आयोगको सदस्यमा नियुक्त गरेको हो ।
नेकपा (एमाले) को केन्द्रीय सदस्य समेत रहेकी अधिकारी दमक बहुमुखी क्याम्पसकी पूर्व प्राध्यापक समेत हुन् । अधिकारीले दमक बहुमुखी क्याम्पसमा लामो समय प्राध्यापन गरेकी थिइन् । उनी पछिल्लो स्थानीय तहको निर्वाचनमा दमक नगरपालिकाको प्रमुखमा राप्रपाका रामकुमार थापासंग पराजित भएकी थिइन् ।
यसैगरि, उनीसंगै योजना आयोगको उपाध्यक्षमा डा.शिवराज अधिकारी नियुक्त भएका छन्। उनी यसअघि पनि मीनबहादुर श्रेष्ठ उपाध्यक्ष हुँदा आयोगमा सदस्य थिए। यसअगाडि उनी त्रिभुवन विश्वविद्यालयमा अर्थशास्त्र विभागका प्रमुख थिए ।
यसैगरि,आयोगका सदस्यहरुमा डा.आरपी बिछार, डा.रमेशप्रसाद सिंह, डा.प्रकाशकुमार श्रेष्ठ, डा.जयबहादुर टण्डन र गंगादत्त अवस्थीलाई नियुक्त गरेको जनाएको छ ।