काठमाडौं, २९ माघ–स्पेनिस कोपा डेल रे फुटबल अन्तर्गत बार्सिलोना पराजित भएको छ । बुधबार राति भएको सेमिफाइनलको पहिलो लेगमा बार्सिलोना सेभियासँग पराजित भएको हो ।
बार्सिलोना सेभियासँग २–० ले पराजित भएको छ । घरेलु मैदानमा सेभियालाई जित दिलाउन जुलेस कुन्डे र इभान राकिटिचले एक–एक गोल गरे ।
खेलको २५ औं मिनेटमा कुन्डेले गोल गर्दै सेभियालाई अग्रता दिलाएका थिए । ८५ औं मिनेटमा राकिटिचले गोल गर्दै सेभियालाई २–० को जित दिलाए ।
जितसँगै सेभियाले फाइनलमा पुग्ने सम्भावना बलियो बनाएको छ ।
बार्सिलोना र सेभियाबीचको दोस्रो लेग बार्सिलोनाको घरेलु मैदानमा मार्च ४ मा हुनेछ ।