काठमाडौँ, ३१ असार–नेकपा (माओवादी केन्द्र) का अध्यक्ष पुष्पमल दाहाल प्रचण्ड आज अपरान्ह १ बजे भारतको दिल्ली भ्रमणमा जाँदैछन् ।
भाजपा अध्यक्ष जे पी नड्डाको निमन्त्रणामा प्रचण्ड तीनदिने दिल्ली भ्रमणमा गएका हुन् । प्रचण्डलाई भाजपा मुख्यालयमा स्वागत गरिने भएको छ।
भाजपा अध्यक्ष जेपी नड्डासंग भाजपा मुख्यालयमै भेटवार्ता हुने तय भएको छ । यस अवसरमा भाजपा विदेश विभाग प्रमुख विजय चौथाइवाले सहित केही अन्य शीर्षस्थ नेताहरूको उपस्थिति हुने बताइएको छ ।
तीन दिने भारत भ्रमणको क्रममा माओवादी अध्यक्ष प्रचण्ड र भारतका राष्ट्रिय सुरक्षा सल्लाहकार अजीत डोभाल बीच भेटवार्ता तय भएको छ ।
यस्तै, भारतका विदेश मन्त्री डा। एस जयशंकर र विदेश सचिव विनय मोहन क्वात्रासंग पनि प्रचण्डको भेट तय गरिएको छ ।
भारतका प्रधानमन्त्री नरेन्द्र मोदीसँग को भेट अहिले निश्चित नभएको जानकारी दिइएको छ ।