दमक, १३ असोज–झापाको दमक–३ मा स्थापना भएको कावेली साना किसान कृषि सहकारी संस्थाको ११औं बार्षिक चुनावी साधारण सभाबाट भीम प्रसाद दाहालको अध्यक्षतामा ११ सदस्यीय समिति निर्वाचित गरेको छ । अध्यक्षमा निर्वाचित दाहाल दमकको ढुकुरपानी माध्यमिक विद्यालयका शिक्षक हुनुहुन्छ ।
८ असोज (शनिबार) सम्पन्न संस्थाको ११औं बार्षिक चुनावी साधारण सभाले आगामी कार्याकालको लागि सर्वसम्मत नयाँ नेतृत्व निर्वाचित गरेको हो । सो समितिको उपाध्यक्षमा नरहरि दाहाल, सचिवमा चन्द्रबहादुर निरौला निर्वाचित हुनुभएको छ ।
त्यसैगरी, समितिको सदस्यहरुमा नेत्र प्रसाद अधिकारी, डिल्लीराम पोख्रेल, रुद्र बहादुर अधिकारी, धन बहादुर बस्नेत, तन कुमारि दहाल, दुर्गा अधिकारी, तारा गौतम र भिमा थापा कामति निर्वाचित हुनुभएको हो । सोही बार्षिक चुनावी साधारण सभाबाट इश्वरी प्रसाद दाहालको संयोजकत्वमा लेखा सुपरिवेक्षण समिति समेत चयन हुनुभएको छ ।
नयाँ निर्वाचित पदाधिकारी र सदस्यहरुले हिजो (बुधबार) एक समारोहकाबीच पद बहाली गर्नुभएको छ । सो सहकारी संस्थाका निवर्तमान अध्यक्ष रुद्रप्रसाद मिश्रको अध्यक्षतामा भएको कार्यक्रममा ११औं बार्षिक साधारण सभाबाट निर्वाचित पदाधिकारी र सदस्यहरुले पदबहाली गर्नुभएको हो ।
समारोहमा निवर्तमान अध्यक्ष मिश्रले वर्तमान अध्यक्ष दाहाललाई कावेली साना कृषि सहकारी संस्थाको बैठक पुस्तिका लगायत कार्यालयको ताला चावी हस्तान्त्रण गर्नुभएको थियो ।
२०६८ साल माघ २४ गते दमक–३ मा स्थापना भएको कावेली साना किसान कृषि सहकारी संस्थामा ६ सय ७० जना शेयर सदस्यहरु आबद्ध छन् ।