धरमपुर (शिबसताक्षी), २४ कार्तिक–झापाको शिवसताक्षी ९ मा बदर मत न्यूनिकरण गर्न मतदाताहरुलाई चेतनामुलक नमुना मतदान गरिएको छ ।
नेकपा एमाले शिवसताक्षी ९ को टोल नं (क) को आयोजनामा नमुना मतदान गरिएको हो । आसन्न मंसिर ४ गते हुने प्रदेश सभा तथा प्रतिनिधि सभाको निर्वाचनमा बदर मत घटाउने उद्देश्यले नकपा एमालेले नमुना मतदान गरेको हो ।
मतदानमा बृद्ध बृद्धाहरुलाई मत बदर नहुने गरी मत हाल्न सिकाइएको थियो । नमुना मतदानमा गाउँमा व्यापारका लागि आएका महमाई नगरपालिका र तीलक गुफा नगरपालिकाका व्यापारीहरुले पनि नमुना मतदानमा भाग लिएका थिए ।