काठमाडौं, २ पुस–नेकपा (एमाले) का नेता टोपबहादुर रायमाझीले पाँचदलीय गठबन्धनलाई सरकार बनाउन जनताले जनादेश नदिएको बताएका छन् ।
आज (शनिबार) नेकपा एमाले अर्घाखाँची–काठमाडौं सम्पर्क मञ्चले आयोजना गरेको बधाई कार्यक्रममा रायमाझीले पाँच दल मिल्दा पनि जनताले सरकार बनाउन गठबन्धनलाई बहुमत नदिएको दाबी गरे द्द। उनले एमालेलाई पनि सरकार बनाउने जनादेश प्राप्त नभएको बताएका छन् ।
अहिलेको अवस्था सरकार गठनका लागि अन्य दलको सहारा दिनुपर्ने बाध्यात्मक अवस्था सिर्जना भएको उनले बताएका छन् । गठबन्धनले जोडजाडको बलमा सरकार बनाउने, बामपन्थी बाहेकको सरकार बनाउने, बामपन्थी र साना दल मिलेर सरकार बनाउने र कांग्रेस र एमाले मिलेर सरकार बनाउने चार वटा सम्भावना रहेको उल्लेख गर्दै सरकार गठनका विषयमा ठूला दलहरु बेलैमा गम्भीर हुनुपर्ने बताए । दलहरू गम्भीर नभएको अवस्थामा देश मध्यावधि निर्वाचनमा जाने खतरा रहेको समेत उनले बताएका छन् ।
उनले गठबन्धन सरकारले मुलुकको आर्थिकलगायतका क्षेत्रलाई अस्तव्यस्त पारेकाले अब बन्ने सरकारले मुलुकलाई सही ठाउँमा ल्याउनु पर्ने बताए ।