काठमाडौं, २४ असोज–।शिक्षामन्त्री डाक्टर महावीर पुनले शिक्षा क्षेत्र सुधारका लागि पाँच बुँदे निर्देशन दिएका छन् ।
शिक्षामन्त्री डा. पुनले उच्च अधिकारीहरूसँगको छलफलपछि तत्काल गर्न सकिने खालका निर्देशनहरू दिएका हुन् ।
शिक्षामन्त्री डा.पुनले सामाजिक सञ्जालमार्फत छलफल, निर्णय तथा निर्देशनबारे स्पष्ट पारेका छन् ।
यस्ता छन् मन्त्री डा.पुनका निर्देशनः
१) नेपालमा रहेका क्यान्सर अस्पतालहरूमा क्यान्सर बिरामीहरुको उपचारमा प्रयोग हुने अति आवश्यक रेडियोधर्मी (रेडियो आइसोटप्स) औषधिहरूको उत्पादन नेपालमै गर्नको लागि आणविक अनुसन्धान केन्द्र ९औषधि उपचारको लागि मात्र० तुरुन्त खोल्न आवश्यक कदम अगाडि बढाउने ।
२) सीटीईभीटीको पुनर्संरचना गरेर त्यहाँबाट सक्षम जनशक्ति उत्पादन गर्न सक्ने बनाउनको लागि कार्यदल तुरुन्त बनाउने ।
३) नास्टमा वैज्ञानिक अनुसन्धान र नवप्रवर्तन गर्ने कामलाई उपलब्धिमुलक बनाउन, प्रतिभाशाली नेपालीहरूलाई तान्न र संस्थालाई प्रभावकारी रूपमा काम गर्न सक्ने बनाउन आवश्यक सुधार र पुनर्संरचना गर्न कार्यदत तुरुन्त बनाउने ।
४) त्रिभुवन विश्वविद्यालयको जग्गा तथा अचल सम्पत्ति खोजबिन समिति ९२०८१० ले नेपाल सरकारलाई पेश गरेको प्रतिवेदन शिक्षा विज्ञान तथा प्रविधि मन्त्रालयले सार्वजनिक गर्ने।
५) संस्कृत विश्वविद्यालयमा रिक्त रहेको सेवा आयोगको पदाधिकारीहरूको रिक्त स्थानमा नियमानुसार तुरुन्त नियुक्ती गर्ने ।