दमक, २९ वैशाख–गायीका तथा मोडल पारु राईले बेलायत (युके) बाटै “तिम्रो तृष्णा” बोलको गितको भिडियो सार्वजनिक गरेकी छन् । भिडियोमा गायीका पारु राईलाई दभ्वइस अफ नेपाल सिजन-२ का उपबिजेता बिकाश लिम्बुले साथ दिएका छन् ।
गीतमा बरिष्ठ संगीतकार ताराप्रकाश लिम्बुले संगीत गरेका छन् । गीतको शब्द गायिका तथा मोडल राईले नै लेखेकी हुन ।
गीतको छायाँकन नेपाल र युकेमा गरिएको छ । युकेमा कुशल श्रेष्ठ र नेपालमा सुरज तामाङले छायांकन तथा निर्देशन गरेका हुन् ।
भिडियोका सम्पादन पनि कुशल श्रेष्ठले नै गरेका हुन् । गीतको भिडियोमा मण्डल थेबे, पारु राई, बिकाश लिम्बु र बृक्षा लिम्बुले अभिनय गरेका छन।
भिडियोमा माया गर्ने जोडीहरुको भावाना प्रस्तुत गरिएको छ । बिगत १ दशक यता बेलायतमा बस्दै आएकी गायिका राईले यसअघि ‘प्यास’ नामक गीति एल्बम बजारमा ल्याएकी थिइन् । पारुले सो एल्बमबाट दुई गीतको भिडियो समेत बजारमा ल्याइसकेकी छन् ।