धरमपुर, ९ जेठ–झापाको शिबसताक्षी–२ धरमपुरस्थित मरपुरस्थित सयपत्री चोकमा आज किरात राई समुदायको दोस्रो ठूलो चार्ड उभौली मनाइएको छ ।
किरात राई यायोख्या शिबसताक्षी–२ वार्ड समितिले आयोजना गरेको उभौली कार्यक्रममा एसईइ उर्चिण गर्ने राई विद्यार्थीहरुलाई शैक्षिक प्रोत्साहन गर्नका लागी सम्मान–पत्र प्रदान गरिएको छ ।
यसरी सम्मानित हुने विद्यार्थीहरु सोनिया राई, इम्सोहाङ चाम्लिङ राई, भीमा राई, उजन राई, बिषान मुकारुङ राई, सचिनहाङ राई, आकृती राई, रोजन राई, सुमिना राई, रेशम राई, प्रसाना राई, सनम राई, रेनिशा राई, सम्झाना राई छन् ।सयपत्री चोकस्थित माङखिम (मन्दिर) परिसरमा आयोजित कार्यक्रममा जग्गादाता जीतसुख राईलाई दोसल्ला ओढाएर सम्मानपत्र प्रदान गरिएको छ ।
त्यस्तैं, माङखिम (मन्दिर) परिसरभित्र प्रवेशद्धार गेट निर्माणकर्ता दिलिप–बन्दना खालिङ राईसहित मन्दिरका पुजारी (माङपा) पशुराम राई र ग्राफिस डिजाइनर अनिष राईलाई सम्मान पत्र प्रदान गरिएको हो ।
वडा समिति अध्यक्ष गंगाबहादुर (दिपेश लोहोरुङ) राईको अध्यक्षता र २ नम्बर वडा अध्यक्ष भीमबहादुर नेम्बाङको प्रमुख आतिथ्यताा साकेला उभोली मनाइएको हो ।
सो अवसरमा कार्यक्रमका प्रमुख अतिति वडाध्यक्ष नेम्बाङले माङखिम निर्माणमा सहयोग गर्ने दाताहरुको विबरणसहित जग्गादाता, गेट निर्माणकर्ता लगायतको शिलाको अनाबरण गर्नुभएको छ ।
कार्यक्रममा वडाध्यक्ष नेम्बाङ, नगर कार्यापालिका सदस्य कुमार राई, शिबसताक्षी–२ का वडा सदस्य यामबहादुर (सञ्जु कुलुङ) राई, यायोख्या शिबसताक्षी नगर अध्यक्ष मदन बाङदेल राई, तमु ह्यूला छोँज धीँ शिबसताक्षी–२ का अध्यक्ष नेत्रप्रसाद गुरुङ, पाराबारी बजार व्यवस्थापन समिति अध्यक्ष मेघराज ओझा लगायतले साकेला उभौलीको शुभकामना व्यक्त गरेका थिए ।
कार्यक्रममा उपाध्यक्ष थामबहादुर राईले स्वागत मन्तब्य र सञ्चालन काजिमान राईले सञ्चालन गर्नुभएको थियो ।
सो कार्यक्रममा झापा गाउँपालिकाबाट साकेला नृत्य टोली, शिबसताक्षी नगर समितिको साकेला नृत्य टाोली, शिबसताक्षी–३ को वडा स्तरीय सकेला टोली, वडा नम्बर २ को आयोजक साकेला टोलीसहित केलाङ नृत्यसमेत प्रर्दशनी गरेका थिए ।