कालिकोट, ३० चैत–नेकपा (एकीकृत समाजवादी), जिल्ला कमिटी कालिकोटको १०औँ जिल्ला अधिवेशन भव्यताका साथ उद्घाटन गरिएको छ।
एकीकृत समाजवादी कालिकोट जिल्ला कमिटी अध्यक्ष चित्रसिंह गाउँलेको अध्यक्षता एवं पार्टीका केन्द्रीय अध्यक्ष तथा पूर्वप्रधानमन्त्री माधवकुमार नेपालको प्रमुख आतिथ्यतामा अधिवेशनको उद्घाटन गरिएको हो।
पार्टीका उपाध्यक्ष एबम् प्रचार बिभाग प्रमुख प्रकाश ज्वाला, सचिव एवं कर्णाली इन्चार्ज चन्द्रबहादुर शाही, कर्णाली प्रदेश अध्यक्ष ठगेन्द्रप्रकाश पुरी, केन्द्रीय सदस्य तथा जिल्ला इन्चार्ज तुलाराज सिमखाडा, केन्द्रीय सदस्य विजया बिष्ट, विश्वराज बम, प्रदेश सचिव धीरबहादुर बिष्टलगायतका नेताहरुले उद्घाटन सत्रलाई सम्बोधन गर्नुभएको छ।
चैत ३० र ३१ गतेका लागि आयोजना गरिएको जिल्लाको १०औँ जिल्ला अधिवेशनले नयाँ कमिटी चयन गर्नेछ। जिल्ला अधिवेशनमा हजारौँको संख्यामा उपस्थिति रहेको छ।