सुनसरी, २८ साउन–सुनसरीको दुहबी–४ शिव मन्दिर चौकमा निर्माणाधीन घरको सेफ्टी ट्यांकीभित्र दुई पुरुष मृत अवस्थामा फेला परेका छन्।
सेफ्टी ट्यांकीभित्र स्थानीय ५० वर्षीय श्यामबहादुर तामाङ र ३२ वर्षीय रमेश राई भएको जिल्ला प्रहरी कार्यालय सुनसरीले जानकारी दिएको छ।
घटनास्थल चन्द्रिका रौनियारको निर्माणाधीन घरमा रहेको सेफ्टी ट्यांकीमा शव देखेपछि स्थानीयले प्रहरीलाई खबर गरेका थिए।
शवको विस्तृत वस्तुस्थिति बुझ्नका लागि बीपी कोइराला स्वास्थ्य विज्ञान प्रतिष्ठान धरानबाट चिकित्सक टोली झिकाइएको प्रहरीले जनाएको छ।