दमक, १४ भदौं–झापाको शिबसताक्षी–१० माा अवस्थित दोमुखा धार्मिक तथा पर्यटकीय विकास संस्थाको आज सम्पन्न निर्वाचनमा ८२।२ प्रतिशत मत खसेको छ ।
निर्वाचनमा १३३५ मतदाता मध्ये १०९५ मत खसेको निर्वाचन संयोजक लिला भट्टराईले बताए ।
दोमुखा परिसरमा सम्पन्न भएको निर्वाचनमा उत्साहजन सहभागिता देखिएको थियो । मतदान विहान ७ बजेदेखि साँझ ५ बजेसम्म भएको थियो ।
पर्यकीय संस्थाको अध्यक्ष पदमा एमालेसहितको गठबन्धनबाट मनबहादुर मगर (मणि), कांग्रेस–माओवादीसहितको गठबन्धनबाट मोहनबहादुर कार्की र स्वतन्त्रतर्फ किरण ओलीसहित त्रिपक्षीय प्रतिश्पर्धा देखिएको छ ।
अध्यक्षका उम्मेद्वार मगरले प्रगतिशील समूहको नेतृत्व गरेका छन् भने कार्कीले लोकतान्त्रिक समूह बनाएका थिए । त्यस्तै ओलीले स्वतन्त्र भन्दै निर्वाचनमा होमिएका छन् ।
संस्थामा अध्यक्ष १, प्रथम उपाध्यक्ष १, द्वितीय उपाध्यक्ष १, सचिव १, सह सचिव १, कोषाध्यक्ष १, महिला आरक्षण सदस्य ४ र खुल्ला सदस्य ५ रहने व्यवस्था रहेको छ ।
मतदान स्थलमा सुरक्षा व्यवस्था मजवुत बनाइएको निर्वाचन समितिले जनाएको छ । मत गणना आजै (शनिबार) हुने र त्यसका लागि आवश्यक प्रकृयाहरु पुरा गरेर गणनाको तयारीमा पुगेको निर्वाचन समितिका संयोजक भट्टराईले जानकारी दिनुभयो ।
