काठमाडौँ, २७ चैत–राष्ट्रपति रामचन्द्र पौडेलले निर्वाचनमार्फत नयाँ पुस्ता नेपाली राजनीतिमा आकर्षित भएको भन्दै जनताले प्रभावकारी सेवा प्रवाहको आकांक्षा राखेको बताएका छन्।
शुक्रवार सङ्घीय संसद्को दुवै सदनको संयुक्त बैठकलाई सम्बोधन गर्दै राष्ट्रपति पौडेलले विधिको शासन, रोजगारीको अवसर, तीव्र आर्थिक सामाजिक स्थायित्वको आकांक्षा नागरिकले राखेका पनि बताए।
उनले नयाँ संसद्ले आवश्यक कानुनहरू निर्माण गर्ने विश्वास व्यक्त गर्दै न्यायपालिकाबाट निष्पक्ष न्याय प्रदान गरेमात्र सहिदहरूको सम्मान पनि बताए।
उनले १० वर्षमा संविधान कार्यान्वयन भए पनि जनताको मर्मअनुसार गर्नुपर्ने काम धेरै बाँकी रहेको उल्लेख गरे।