काठमाडौं, १४ असार–अर्जेन्टिनी फुटबलका जादुगर लियोनल मेस्सीले विश्वकप फुटबलको इतिहासमा सर्वाधिक गोल गर्ने खेलाडीको नयाँ कीर्तिमान कायम गरेका छन्।
जारी सन् २०२६ को फिफा विश्वकप अन्तर्गत समूह चरणको अन्तिम खेलमा जोर्डनविरुद्ध गोल गर्दै मेस्सीले विश्वकपमा आफ्नो व्यक्तिगत गोल संख्या १९ पुर्याएका हुन्।
समूह ‘जी’ को अन्तिम खेलमा जोर्डनलाई ३(१ ले पराजित गर्दै अर्जेन्टिना समूह विजेताको रूपमा नकआउट चरणमा प्रवेश गरेको छ। पहिलो हाफमा बेञ्चमा रहेका मेस्सी दोस्रो हाफमा मैदान प्रवेश गरेका थिए। उनले खेलको अन्तिमतिर गोल गर्दै आफ्नो १९ औँ विश्वकप गोल पुरा गरे। यस खेलमा अर्जेन्टिनाका लागि गिभानको लुसेल्कोले पहिलो र लाटुरो मार्टिनेजले पेनाल्टीमार्फत दोस्रो गोल गरेका थिए। जोर्डनका मौसा अल तमारिले एक सान्त्वना गोल फर्काए।
यसअघि समूह चरणका अन्य खेलमा अर्जेन्टिनाले अल्जेरियालाई ३-० र अष्ट्रियालाई २-० ले पराजित गरेको थियो। ९ अंकसहित समूह ‘जी’ मा शीर्ष स्थान कब्जा गरेको अर्जेन्टिनाले नकआउट चरणमा आफ्नो बलियो उपस्थिति देखाएको छ। ३९ वर्षीय मेस्सीले जारी विश्वकपमा आफ्नो उत्कृष्ट लयलाई निरन्तरता दिँदै सातौं लगातार विश्वकप खेलमा गोल गर्ने कीर्तिमानसमेत कायम गरेका छन्।
खेलको ८० औँ मिनेटमा आफ्नो चिरपरिचित शैलीमा फ्रि(किकमार्फत उत्कृष्ट गोल गर्दै मेस्सीले यो ऐतिहासिक सफलता हात पारेका हुन्। यससँगै उनले जर्मनीका पूर्व स्ट्राइकर मिरोस्लाभ क्लोसेको नाममा रहेको १६ गोलको कीर्तिमानलाई उछिनेका छन्। क्लोसेले चारवटा विश्वकपमा १६ गोल गरेका थिए भने मेस्सीले ६ वटा विश्वकप (२००६ देखि २०२६ सम्म) को सहभागितामा १९ गोलको आँकडा पार गरेका हुन्।
३९ वर्षको उमेरमा पनि मैदानमा उत्कृष्ट प्रदर्शन गरिरहेका मेस्सीले यस विश्वकपमा मात्रै ६ गोल गरिसकेका छन्। उनले सन् २०२२ को विश्वकपमा ७ गोल गर्दै अर्जेन्टिनालाई उपाधि दिलाउन मुख्य भूमिका खेलेका थिए। मेस्सीको यो १९ औँ गोलसँगै उनी विश्वकप इतिहासमा लगातार सात खेलमा गोल गर्ने र छ वटा फरक विश्वकप खेल्ने पहिलो खेलाडी समेत बनेका छन् ।