काठमाडौं, ६ असोज–नेपाली बजारमा लगातार दोस्रो दिन पनि सुनको मूल्य घटेको छ।
नेपाल सुनचाँदी व्यवसायी महासंघका अनुसार, सोमबार तोलामा १ हजार ३०० रुपैयाँले घटेको सुन आज मंगलबार १ हजार ७०० रुपैयाँले घटेको हो।
मंगलबार सुन प्रतितोला ३ लाख २ हजार २०० रूपैयाँ कायम भएको छ। सोमबार सुन प्रतितोला ३ लाख ३ हजार ९०० रूपैयाँमा कारोबार भएको थियो।
त्यसैगरी, मंगलबार चाँदीको मूल्य तोलामा ३० रुपैयाँले घटेर प्रतितोला ४ हजार ७७५ रूपैयाँ कायम भएको छ।
नेपालमा अन्तर्राष्ट्रिय बजारका आधारमा सुनचाँदीको मूल्य निर्धारण गर्ने गरिएको छ।